الأحد، 2 فبراير، 2014

جرافيتي

وآدي دايرة...
ومساحتها باي آر تربيع.

ماشي ولا على بالي...
أصل الدنيا ربيع.

في ناس بترسم وبتشَّخبط...
علي الحيطة طريق...

مش باين أوله من أخره...
بس تِحسه عميق وصريح.

بيحكوا عن كل مِن تاجر...
بيحكوا عن كل صَفيق.

بيحكّوا عن كل بقرة بتضحك1...
وبيحكوا عن كل عبيط2.

بيحكوا عن مين قاتل؟!
ومين في التجارة فشيخ؟!

جِريت وجِريت مش فاهم حاجة...
إن ألاقي حاجة مفيش!

بنادي في الشارع...
إنتي يا اللي أقفلتي الشيش.

يا اللي ساكنة جوّا قلبي...
وكل مَكلمك عليَّا مبترُديش!

’’تصفيق... تصفيق حاد!‘‘ 

جوا الدايرة تسعين مليون غلطة
وتسعين مليون تصحيح!

إن كنت قادر تصحَّح...
يلَّا إيد في إيدك يا رَفِيق!

فاكر بكلامك هتضحك على عقلي...
فاكر نفسك برنس، جامد، وحويط!

عارف إن ده مش شعر عارف...
وشايف ضحكتك منَّك لُه يا خفيف!

بَشَّخبط جوا مدونتي وبكيبوردي...
حد له شوق في حاجة منَّك لُه يا فهيم!

أكتب زي متكتب، لا أنا كاتب ولا أنا شاعر!
بضيّع وقتي ومتشكر جهدك في قرايته يا جميل.

156209_10152205640459310_246512898_n


أراكم المرة القادمة...

1) البقرة الضاحكة: كانت تطلقت على ضحكة الرئيس المخلوع (محمد حسني مبارك) لأنه تشبه ضحكة البقرة الموجودة على عبوات جبنة (لافاشكري).
2) العبيط: اللقب الذي أطلقته المعارضة على الرئيس المعزول (محمد مرسي العيّاط) لتصرفاته الهادمة لجميع البروتوكولات الدولية في خطاباته ولقاءاته بعدة وزراء.
*) الجرافيتي: هو فن الرسم على الجدران، يعتبره الكثيرون إفساداً للمنظر العام، غير قانوني، ويرجع تاريخه للقدماء المصريون والإغريق.

ليست هناك تعليقات:

إرسال تعليق